حبيت ولا لا

موضوع: حبيت ولا لا 11/15/2010, 18:25

يا جماعه كل واحد يحكى لينا هو حب ولا لا
و اذا حب يحكى و يقولنا حب ازاى واستفاد ايه و هل الحب مستمر مع اللى حبه و لا راح
...................

و نبتدى باول عضو يشوف الموضوع

و كل عام و انتم بخير
عيد سعيد عليكو

موضوع: رد: حبيت ولا لا 11/15/2010, 21:25

ههههههههههههههههههه وليه الاحراج دا بس ؟

بص بقا عشان تبقا عارف انت فتحت موضوع مثيييييييييير للجدل بطريقة فزيعة

وبما انى اول من دخل وشاف الموضوع دا فأكيد المطلوب منى اقول رأيى

الاول احب اقول ان الحب اساس الوجود ومفيش حياة ولا دنيا من غير حب والا هنتحول لغابه وحيوانات

وللاسف دا اللى حاصل دلوقتى بقينا عايشين ف غابة المهم اقصد اقول ممكن نقول ان زمان كان فيه حب

دلوقتى لا حتى بين الاخ واخوه والوالد وابنه وهكذا كلو بياكل ف بعضو القوى عاوز ياكل الضعيف

اخش ف الموضوع ع طول بمناسبة سؤال الموضوع حبيت ولا لا؟

حبيت ممكن اه وممكن لا يعنى زى ماتقولو كدة ان حصلى موقف زى علامة من عند ربنا ربنا بيقولى فيها ان وجهة

نظرى الاولانيه كانت صح ان مفيش حاجة اسمها حب قبل اى ارتباط رسمى واللى يقول غير كدة يبقا بيكذب

او بيلعب او لسه محسش اننا بقينا ف غابه ويمكن بقول موقف مش تجربه او اى حاجة تانيه لان اقل مايقال فعلا كلمة

موقف ليس اكثر وموقف اتعلمت منه كتير اوى كمان

وبأمن بالمقوله اللى بتقول ((الحب ع الارض كذبه فأن لم توجد لاخترعنها ))

عاوزة اسمع منك بقا انت كمان يا استاذ هتلر تعليقك ع كلامى وكمان حبيت ولا لا؟

موضوع: رد: حبيت ولا لا 11/16/2010, 13:37

بصراحه و من غير مجامله كلام جامد جدا
و الواحد لازم طول ما هو فى الدنيا بيتعلم حتى لو خسر ايه

و بالنسبه ليا انا حياتى كانت كلها سفر و دراسه ماكنش فيه حتى وقت انى احب اى انسانه
انا اتعينت بعد ما اتخرجت من الجامعه على 28 وحاليا شغال فى سفاجا بنوضع انا و المهندسين زمايلى تصميم ل كوبرى اللى بيربط بين سفاجا و ضبا
فمعظم وقتى فى الشغل و على النت وبس
و لا كان عندى تجارب فى الكليه لان كنت واخدها جد
بس فيه حاجه يا استاذه دودو تفكيرك و طريقه كلامك ماتقولش ابدا ان انتى عندك 18 سنه
انا عن نفسى اديك 30

و شكرا على ردك

و العضو اللى بعدى يقول هو كامن

موضوع: رد: حبيت ولا لا 11/16/2010, 16:41

دودو انحنى ليكى احتراما ع كلامك دا بس مش مقتنع بأخر جمله قولتيها وشكر ياهتلر ع الموضوع وانا حبيت مة واحدة بس ف حياتى وبتمنى ربنا يجمعنا ببعض ع خير ويادودو الاختلاف ف الرأى لايفسد للود قضيه

موضوع: رد: حبيت ولا لا 11/16/2010, 17:35

اولا اشكرك ياهتلر ع كلامك وصدقنى فعلا انامزيدش عن ال18 لكن مبسيبش موقف يعدى عيا الا وبستفاد منه

عشان كدة ادتنى ال30 سنه بالنسبة لكلامى

واكيد ياشبراوى الاختلاف ف الرأى لايفسد للود قضيه ربنا يجمعك انت وحبيبتك ع خير ومتنساش تعزمنا ع فرحك happy

موضوع: رد: حبيت ولا لا 11/17/2010, 10:38

ربنا يصلح حال الجميع

موضوع: رد: حبيت ولا لا 11/18/2010, 20:40

ايه يا جماعه مافيش حد بيحكى فى الموضوع ده ليه تانى
ايه كله مكسوف
ده انتو كلها سنتين تلاته و اللى هتكون ست بيت و اللى هيكون راجل يعتمد عليه
ردو و بطلو كسوف

موضوع: رد: حبيت ولا لا 11/19/2010, 00:46

انا محبتش لسه بس بقتنع جدا ان فيه حب فى الحياة يمكن لسه ملقتش نصيبى

موضوع: رد: حبيت ولا لا 11/19/2010, 14:07

ربنا يكرمك و تلاقى حب صادق

موضوع: رد: حبيت ولا لا 11/19/2010, 14:17

اللهم امــــــــــــــــــــــــين isa