احنا بنشترى رجاله ...

مصر الفرعونيه

- بابا انا عايز اتجوز اختى حت حور

- خلاص يا ابنى خليها تنقل حاجتها فى قوضتك .. وابقى هاتلها حجرين صوان هدية .. مبروك يا تاح

..........................

مصر فى عصر الرومان

- تتجوزينى يا افروديت

- اتجوزك يا بانسيلوس


- يللا بينا نبنى كوخ ع البحر ونعيش هناك

- يللا



............................


مصر بعد الفتح الاسلامى


- ولدى خالد يا شيخ احمد بيريد يتجوز ابنتك البكر الكريمة .. وبيبنى خيمة .. ويقدم مهر بعير


- والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم " ان جاءكم من ترضون دينه وخلقه فزوجوه " .... قيموا الافراح




...........................

مصر 1919

- انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى



- طب مش اشوفها الاول يا با


- انت اتجننت يا ولد تشوفها ده ايه .. انت ح تتجوز والا تخبص


- حاضر يا با


.............................


مصر 1960

- بقى يا ستى بنتك آمال جالها عريس

- ياألف نهار ابيض يا ألف نهار مبروك

- جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟


- الرأى رأيك يا أبو العروسة .. والله العيال ح يعجزونا يا ابو محمد

- فشر .. تدبل الوردة وريحتها فيها يا نرجوستى

..............................

مصر فى عصر الانفتاح

- اخرسى يا بنت ... انا اللى يتجوز بنتى لازم يكون عنده شقة تمليك وعربية وسوبر ماركو

- بس يا ماما

- ما فيش بس .. انا وابوكى قبل ما يموت فى الحرب كانت بتعدى علينا ايام ما بنلاقيش ناكل .. انا يا بنتى مش عايزاكى تتعذبى زى ما احنا اتعذبنا .. انتى ح تتجوزى فتحى ابن خالتك


- بس انا مش بحبه يا ماما

- الحب ما بيأكلش تونة فى الزمن ده يا فالحة

- امرك يا ماما




........................

مصر 2008

النهارده بقا فى عصرنا مصيبه العصر

المشهد الاول

نهار خارجى ... احد الكافيتريات المغلقة ... موسيقى هادئة تملا المكان

ماستووووو

: يا حبيبتى انا مرتبى 250 جنية بعد الضرايب والمستنقعات .. وبعد الشغل بحاول اعمل اى مصلحة يعنى باصفى فى الشهر حوالى 400 450 ... وما عنديش شقة ومش

محوش ولا

مليم .... اهلك عمرهم ما ح يوافقوا بيه

احلام : ياماستوووو يا حبيبى بابا وماما متفاهمين جدا ... وما يهمهمش غير سعادتى ... الفلوس دى آخر حاجة ممكن يتكلموا فيها

ماستووووو : انتى شايفة كده ... ماشى .... حددى لى ميعاد مع باباكى الجمعة الجاية الساعة 6


.........................................

المشهد الثانى

فى منزل احلام ... منزل قديم .... فرش متواضع جدا .. يجلس الاب الذى يبلغ من العمر الثالثة والستين .... وبجواره العم 55 عاما ... والخال 56

الخال : منورنا والله يا استاذ ماستووووو

ماستووووو : ده نورك يا عمى

الاب : فين الشاى يا ام احلام

ام احلام من بعيد : جاية اهه يا ابو احلام

الاب : ها يا ابنى .. ح تدفع كام وتشيل

ماستووووو : اللى تأمر بيه يا عمى

الاب : الامر لله يا ابنى .. احنا مش طالبين كتير ..

شقة تمليك فى اى حتة تكون نضيفة ..

ومهر 40 الف جنية يا دوب ده احنا ح نحط ادهم مرتين علشان نجيب العفش وانت ح تجيب الاجهزة والسجاد وحاجة المطبخ والستاير والذى منه ..


وح تجيب شبكة بزيهم .. طبعا انت عارف ان الدهب غلى يعنى مش ح يجيبوا حاجة بس انت وذوقك بقى

.. مش كده والا ايه يا ام احلام


ام احلام : آه يا أخويا دى عفاف بنت خالتها خطيبها جايبلها شبكة بخمسين الف جنية .. ده غير الاجهزة الحديثة اللى جايبهالها معاه وهو جاى من السفر


الاب : اما الفرح فى قاعة صغيرة بس طبعا لازم تساع الحبايب واحنا حبايبنا كتير .. والقايمة والمؤخر طبعا انت سيد العارفين ..


وفى الاول والآخريا ابنى .. احنا بنشترى رجالة


ماستووووو : بس يا عمى انا ممعاييش المبالغ اللى حضرتك بتتكلم فيها دى


الاب : اللى ممعهوش مايلزموش يا ابنى .. واحنا فى الاول والآخر بنأمن لبنتنا حياة سعيدة .. امال عايز تاخدها رخيصة والا ايه؟


ماستووووو : يا عمى لو بنتك رخيصة ما كنتش خبطت على بابكم .. وسكك الغلط فى الزمن ده سهلة .. واكتر م الهم ع القلب .. وبعدين احنا ممكن نلم الدور ..

وحضرتك عارف ظروف الحياة اللى

بنعيشها .. وانت لسه قايل بعضمة لسانك ان كل حاجة غليت .. والظاهر ان الانسان بس هو اللى عمال بيرخص

الاب : قصدك ايه؟

ماستووووو : قصدى يعنى دبلتين .. وشقة قانون جديد على قد الحال .. ومهر ربع جنية .. واجيب انا عفش بيتى على قد فلوسى .. وفرح بسيط مش بهرجة

ورقص ومسخرة ..


ده احنا بنبتدى مع بعض علاقة نضيفة .. اجيب كمبيوتر اجيب تليفزيون .

. اجيب تلاجة صغيرة والا كبيرة .. فى الاول والآخر احنا اللى ح نستعملها .. ولو باظت اكيد انا برضه اللى ح اجيب غيرها مش ح آجى واقولك هاتلى .

. وحضرتك ممكن تاخد رايها على الكلام ده


الاب : انت جاى تشتمنى والا ايه ؟ .. احنا ما عندناش بنات تمشى كلامها على ابوها .. الظاهر انك جيت البيت ده غلط

ماستووووو : لا ياحج انا طبعا ما جتش غلط .. بس ممكن اكون عايش فى زمن غلط .. مع ناس مش عايشة فيه .. وبعدين هو مش حضرتك مصرى برضه ..

ومسلم طبعا ؟ .. يبقى انا ما جتش


غلط .. انت اللى قاعد غلط وبتتكلم غلط فى غلط


الاب : احترم نفسك يا ولد

ماستووووو : بلا احترم نفسى بلا نيلة بقى .. احترموا انتوا ظروفنا اللى انتوا حطتونا فيها .. احترموا انتوا دينكم اللى بتعتقدوه وبتعلموهولنا .. احترموا انتوا

عقولنا بكلامكم اللى مالوش اى

علاقة


لا بالعقل ولا بالواقع

الاب : اطلع برة .. ده انا عمرى ما ح اجوزهالك حتى ولو على جثتى

ماستووووو : حتى دى كمان غلط .. وبكره تشوف.. .. سلامو عليكو
.......................
يخرج ماستووووو من منزل احلام .. يسب ويلعن ويضرب الارض بقدميه .. بعد قليل يدق جرس هاتفه المحمول


ماستووووو : ايوة

احلام : ايه يا ماستووو اللى انت هببته مع بابا ده

ماستووووو : باباااااااااااا .. انا ماشفتش بابا يا طنط .. انا شفت نخاس بيبيع جارية فى سوق العبيد .. شفت جزار بيبيع معزة للى يدفع اكتر

احلام : ايه يا ماستووو الكلام ده انت بتغلط فيه .. طب وانا ذنبى ايه .. انا مش عايزة فلوس ولا دهب ولا حتى غسالة عادية .. هاتلى

طشت ياماستووو .. هاتلى قلة .. مش عايزة غير عشة

وانسان احبه ويخاف علية واخاف عليه .. واظن ده من حقى انا مش مراهقة ولا طفلة .. انا عندى اربعة وعشرين سنة ...يعنى اقدر اتحمل مسؤلية قرارى .. واختار الانسان اللى ح يعيش


معايا حياتى كلها تحت سقف واحد ...

اهىء اهىء اهىء


ماستووووو : خلاص بقى بطلى عياط حقك علية .. معلش انا كمان زعلان من اللى حصل واعصابى مشدودة

احلام : طب وح نعمل ايه دلوقت

ماستووووو : العمل عمل ربنا اللى مايرضيهوش اللى بيحصل ده .. ده حتى حرام وظلم وافترا


احلام : طب ايه رايك يا ماستووووو .. لو اسم نفسى كده وكده .. وتيجى تنقذنى ونتجوز


ماستووووو : لا اااااااا .. انا فى عرضك .. الا ما الحقش انقذك وتروحى فيها .. وبعدين كده تبقى روميو وجولييت ..


احلام : طب ح نعمل ايه يا ماستووووو ؟

ماستووووو : مش عارف استنى لما اسأل اعضاء المنتدى انا عايز رائيكم ياجماعه ده عصرنا النهارده فى ظل سياده الريس هنعمل ايه


مرحب بى 2008

حسبنا الله ونعم الوكيل فيهم

وانا شخصيا مع جواز عصر الفراعنة وناوية اركب عجلة الزمن واروح اتجوزلي حتحور حلو كده من هناك شكرا على الموضوع

بجد اكتر من رائع تسلمى لى يا قوت القلوب
وتقبلى مرورى