طالبه ثانويه قررت تكتب شعر بعد الامتحانات

وأخيرا
أقتنعت بنصيحة كل اللي حواليا
وروحت لدكتور أمراض عقلية
وسألته إيه الموضوع ؟؟
قالي عادي ده طبيعي
دي أعراض إنتهاء الثانوية .....
ال عشان أنا عايزة أدخل معهد السباكة العالي
وهما عايزني أدخل كليه

ألا صحيح ......
إيه الفرق بين كم الاستفهامية
وكم الخبرية ؟؟
يالا . . . . .
يخرب بيت الممنوع من الصرف
على قاعدة if
على قانون أوم
ع الازدواج والعزوم

آه بالمناسبة
حد يقولي هوا أنا صاحية
ولا نايمة
ولا بين الصحيان والنوم
آه خلاص أنا عرفت
أنا بخرف وبألف
وبقول كلام مالوش لزوم
أكتشفت مؤخرا
إن الرياضيات دي مجرد
تفاضل وتكامل
وكام شئ مش مفهوم
كان مالها بس الأحياء
ما الأحياء إلا كام زرعة
على كام رسمة لبنأدمين
بس من غير هدوم
حد يعرف . . . . .
إمتى هيطبق كادر المعلمين ؟ !
وامتى هيقتنع بعبقريتي كل المدرسين ؟ !
وياترى حالتي دي خطيرة ولا مجرد نقص فيتامين ؟ !
لو عرفت الاجابة
ابعتها فوراااا
العنوان : مستشفى المجانين

مشكوره يا(ROZALINDA)
على الموضوع الرائع
وربنا يعينك وأطغطي وانتى نايمه علشان متخرفيش تاني
وبعدين اتريقي برحتك اما انشوفك في الثانويه انشاء الله هتعملي ايه
وبعدين يا ****************** ارياضه مش تفاضل وتكامل فيها ميكانيكا برده
والاحياء مش كام رسمه زي مانتي عارفه فيها ارسم مع الشرح
والزرع هيقولك ازرع وورينا الزهور
وبعدين كادر المعلمين هينطبق لما السماء تكون على الارض في الحاله دي هيطبق ويتلم في الجيب
وربنا يوعدك وتخشي معهد الزحليق الرولي
واصراحه ربنا عداني منها على خير وعقبالكم جميعا
وعلى فكره انا بعتلك الرساله على العنوان التالى
مستشفى المجانين
الدور الاخير تحت الصفر جنب قاعدة if فوق الحاج عزم الازدواج وقانون

ايه يا بابا التريقة دي انت بتتكلم على مين اصلا
انا اساسا مش في ثانوية ولا اتعديت منك علشان اكتب كلام زي ده
ده كلام على لسان بنت في ثانوية علشان اوضح مدى المعاناة اللي بيلاقوها وبيبقوا ايه بعده
وبعدين هعرف درجتك يعني هعرفها وهشوفك بقى هتعمل ايه يا فارس انت
ياريت متزعلش من كلامي بس ابقى خد بالك انت بتقول ايه وبتتكلم عن مين Exclamation

معلش انا افتكرتك بتهظري علشان كتبتي مستشفي المجانين
وبعدين بكره هانشوفك هتعملي ايه

اية يا شباب الموضوع اتقلب لية كدة بصو الثانوية العامة بقت بعبع
يلا ربنا يستر
تقبلو مرورى تحياتى

انتوا داخلين تهزؤا بعض
ولا تتناقشوا فى الموضوع
والف شكر ياروزاليندا ياقمر على الموضوع

مشكوره روز ع الموضوع الجميل وربنا يعينا ونقدر نحقق اللي بنتمناه
وتحياتي ليكي

لاء طبعا ياروز
مش هيكون ده عنوانك
انتى عنوانك المفكرة الاولى فى المنتدى
ولو فارس الرومانسيه
قال كلمتين صدقينى ما يقصدش والله خالص
ممكن بس يكون فعلا بيهزر مش اكتر
وبعدين ايه الجمال بتاع الموضيع دى
مخبياها عننا فين بقى
عايزين نشوف الجمال ده كتير
منتظرين الجديد منك
وياريت ماتزعليش
برجاء تقبلى مرورى

اسف ما كملتش الموضوع
بجد الطالبه اللى قررت تكتب الشعر بعد الامتحان
لينا الفخر اننا بجد نفتخر بيها
على الاقل بتكتب اللى حسااااه
مش بتفكر تهرب منه
واخيرا بطلب من كل طلبه الثانويه والاعداديه والجامعات والمعاهد
ما تحبسش حاجه فى نفسك
لو مش عندك صديق
اكيد الكتاب خير صديق
والقلم دايما رفيق
رافقهم وصاحبهم
وعمرك ما هتشعر بوحده ابدا
مشكوووووووووور مرة تانيه ياروز ليندا على الموضوع