عاشق بلا حبيب

الوداع احسن ولا اني احترق=
اهتويتك بس ماطاع النصيب

رغم حبي لك ترى أفضل نفترق=
اعتبرني انسان في قلبك غريب

الأمل بالعين من حبك برق=
بس شمس الحب مالت للمغيب

وا عنا اللي في بحر ودك غرق=
لايعوم ولايودي ولايجيب

شاف موته وان تنفس بك شرق=
من بعيد العمر الى موت قريب

وقتها حلمي بلقياك انـــسرق=
وصرت عاشق لكن بليّا حبيب

واختلط دمعي ودمي والعرق=
من عيوني من جروحي واللهيب

وهاجس الفرقا على بابي طرق=
ولو ماخاف الله سبيت النصيب

اااه من جرحي بكى حتى الورق=
كيف اطيب بذمتك وانت الطبيب

لابكيفك ولابكيفي نفترق=
بس هذا حظنا وغصب" يصيب

مشكور شهيد ع الموضوع تقبل مروري