قمة الرخامة العصبى ميخشش

موضوع: قمة الرخامة العصبى ميخشش 2/14/2008, 10:22

حوار يحرق الدم
*****************

فيه اتنين ماشفتش و لا حاشوف حد فى غلاستهم
و بيقعدوا دايما يتناقشوا مع بعض و اللى يقرب منهم يستاهل اللى يجراله.
ملحوظة هامة : اللى بيعانى من اى اضطرابات فى ضغط الدم سواء كان
ارتفاع أو انخفاض أو عنده دم من أساسا فمن مصلحته
انه يفوت الصفحات ديه و بلاش يشيلنى ذنبه لو جراله حاجة_الواحد
مش ناقص و قد أعذر من أنذر

صخرة وقعت من فوق العمارة لوح الازاز اللى تحتها متكسرش لية ؟
علشان ماوقعتش عليه
- طب فرخة بتعدى الشارع ماتت فجأة لية ؟
الصخرة وقعت عليها
- لية ملخفن بيحط جنبه كباية شاى وهو نايم ؟
علشان الشاى منبه
*****************
- طب لية بيحط جنب كباية الشاى فنجان قهوة ؟
علشان لو الشاى مرنش
*****************
- طب لية بيحط جنبه كباية مية فاضية و كباية مليانة ؟
علشان ممكن يشرب و ممنك ميشربش
*****************
- و ليه بيحط ملح على راسه ؟
علشان يبقى حدق
*****************
- و ليه بيحط سكر على الكرسى قبل ما يقعد ؟
علشان تبقى قعدته حلوة
*****************

- حاجة طايرة فى السما و بتقول نياو اية هى ؟
قطة بيضاء مضروبة بالشلوت
*****************

- طب حاجة سودة طايرة فى السما و بتقول نياو اية هى ؟
غراب بيستهبل
*****************

- طب حاجة بنى طايرة فى السما و مبتقولش اى حاجة اية هى ؟
فردة الجزمة بتاعة الراجل اللى ضرب القطة البيضاء
*****************

- طب حاجة سودة طايرة فى السما و مبتقولش حاجة اية هى ؟
غراب عاقل و مبيحبش الاستهبال
*****************

- حاجة زرقاء طايرة فى السما اية هى ؟
ذبابة لابسة بنطلون جينز أزرق
*****************

- طب حاجة سودة و فيها خط أحمر و طايرة فى السما من الشرق للغرب
اية هى ؟
ذبابة لابسة فستان سواريه و حاطة روج و رايحة فرح واحدة صاحبتها
*****************

- طب حاجة سودة و فيها خط أحمر و طايرة فى السما من الغرب للشرق
اية هى ؟
نفس الذبابة نسيت حاجة فى البيت فرجعت تجيبها
*****************

- حاجة سودة ماشية فى الصحراء اية هى ؟
سرب نمل رايح يعزى
*****************

- نقطة سودة على الحيطة اية هى ؟
ذبابة
*****************

- طب 3 نقط سود على الحيطة تبقى اية ؟
ذبابة و فيشة
*****************

- طب 54 نقطة سودة على الحيطة تبقى اية ؟
يبقى البياض بيقشر
*****************

- حاجة رفيعة و طويلة و لونها أبيض اية هى ؟
فتلة بيضاء
*****************

- طب حاجة رفيعة و طويلة و لونها اسود تبقى اية ؟
خيال الفتلة البيضاء
*****************

- ايه هو الحيوان الاخضر الصغير اللى بياكل الزلط ؟
هو ابن الحيوان الأخضر الكبير اللى بياكل الزلط
*****************

- ايه هو عكس كونكريت ؟
لا تكن كريت
*****************

- ايه هو عكس تلميذات ؟
Don't tell me that
*****************

- ليه الثعلب تخين ؟
علشان الثعلب fat fat

- حاجة ماشية على الارض و بتعمل زززززززز _ ايه هى ؟
صرصار راكب موتوسيكل
*****************

- طب ناس دخلوا شقة فعرفوا ان فيها صراصير _ عرفوا ازاى ؟
لقوا الموتوسيكلات راكنة جنب البلاعة
*****************

- تعرف تقوللى فرقين بين الليمون و الزيتون ؟
1 - فيه ليمونادة و مافيش زيتونادة
2 - تقدر تقول الناس لامونى لكن ماتقدرش تقول الناس زاتونى
*****************

- طب تعرف تقوللى 5 فروق بين الوزة و البطة ؟
1- تقدر تحلق شعرك زلبطة لكن ماتقدرش تحلق زلوزة
2 – فيه رحالة اسمه ابن بطوطة لكن مافيش رحالة اسمه ابن وزوزة
3 – تقدر تبلبط فى البحر لكن ماتقدرش تبلوز فيه
4 – كلنا بنتغطى فى الشتاء ببطانية لكن مبنتغطاش بوزانية
5 – الوزة كانت زمان بطة لكن الشيطان وزها
*****************

- طب تعرف تقوللى 5 فروق بين الفيل و النملة ؟
1 – رجل الفيل ممكن تنمل لكن الرجل النملة مش ممكن تفيل
2 – البيت ممكن يبقى فيه نملية لكن مش ممكن يبقى فيه فيلية
3 – تقدر تاكل سمك فيليه لكن مش ممكن تاكل سمك نمليه
4 – كل واحد له بروفيل لكن مالوش برونملة
5 – you can feel but you cannot namla
*****************

- ايه الفرق بين الفيل و البرغوت ؟
الفيل ممكن يتملى براغيت لكن البرغوت مش ممكن يتملى فيلة
*****************

- ايه عكس زمان ؟
The woman
*****************

- ايه عكس نجوم ؟
نجعد
*****************

موضوع: رد: قمة الرخامة العصبى ميخشش 2/14/2008, 21:00

بجد نكت رااااااااااائعة
تسلم ايدك يا قمر

موضوع: رد: قمة الرخامة العصبى ميخشش 2/14/2008, 21:21

هههههههههه جمال ا اوى يادودو تسلم ايدك

موضوع: رد: قمة الرخامة العصبى ميخشش 2/15/2008, 09:55

مشكورين يا بنوتات لمروركم اللى نور موضوعى

موضوع: رد: قمة الرخامة العصبى ميخشش 2/18/2008, 18:38

حلوين اوى وطعمين اوى الله اكبر عليكى

موضوع: رد: قمة الرخامة العصبى ميخشش 3/27/2008, 17:52

تسلميلى ياعمرى ويسلم مرورك الغالى عليا دة