كدبة وصدقتها

كلمة بحبك كانت اكبر حاجه فى كدبتك
ماكنتش اعرف انى هبقى ضحيتك
ياترى انا رقم كام فى قصتك
كنت حابب فيكى رقتك
حتى اجمل ما فيكى ضحكتك
طلعت هى كمان من كدبتك
كان يهون عليا اموت ولا اشوف فى عيونك دمعتك
كدبتى عليا فى كل الكلام
ماكنتش اعرف انى لعبة والسلام
ماكنتش اعرف ان بعدك قلبى هيعيش فى ألام
اتارى حبك وضحكتك ورقتك دى كلها اوهام
انا قولت قلبك مالهوش مثيل
وكنت ببص فى عيونك اقولك كدبك مستحيل
بس ياخسارة كل دا طلع تمثيل
بس برافو عليكى عرفتى تخلينى اميل
بعد اللى عرفته فكرانى هعيش فرحان
بعد دا كله مستحيل هيكون جوايا امان
مش عايز اعيش طول عمرى ندمان
على كدبة رمانى ليها الزمان
طلعتى اكبر كدبة فى حياتى عشتها
بس يا خسارة طلعت موهوم وصدقتها
ولما عرفت انى كنت لعبة بضيع بيها وقتها
ماكنتش عارف هقول ايه لما عينى تبص ليها
ماكنتش اعرف انى لعبة فى ايديها
مستحيل فى هرجع تانى ليها
وخلاص انا انخدعت فيها
وطلعت اكبر قصة كدابة قابلتها
عشان دلوقت شفت وسمعت وتأكدت من كدبها
______________________________________