الحوار المثالى بين الشباب والفتيات (برجاء التفاعل من الجميع)

موضوع أعجبني في منتديات أخرى وأحببت أن أطرحه هنا للفائدة ..
(( الحوار المثالي بين الشبــاب و البنــات ))
هلا والله (شباب) و (بنات)

سئمنا من كثرة الحوارات التقليدية المنغلقة و الأفكار المتقوقعة
والمواضيع المتكررة التي أصابتنا بالملل بسطحيتها و محدوديتها

لذلك رأيت أن أطرح بين أيديكم هذا الموضوع
وهو عبارة عن حوار مثير بين فريقين
فريق
فريق

هناك أمور يكرهها الرجل في المرأه أو لا يستطيع فهمها
(( و ))
هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة و موضوعية وبعيداً عن التعصب حتى نستمتع و نخرج منه بنتائج إيجابية.

سيقوم فريق البنات بطرح تساؤل عن أمر معين لا يعجبه في الشباب
وسيقوم فريق الشباب بالرد وتبرير الموقف

وبعد إعطاء الإجابات والمبررات الكافية يصبح فريق الشباب في وضع الهجوم ويطرح سؤال على فريق البنات..... وهكذا يستمر الحوار

يحق للجميع المشاركه وابداء الرأي
وأرجوا أن نكون مع الحق دائماً بعيداً عن الإنتماء و التحيز
وأن نتحاور بشكل حضاري ..
وسؤالي للشباب هو
هل تفضل ان تتزوج من بنت كنت على معرفه بها عن طريق النت؟؟

اما انا فسؤالي للشباب وهو
ماهوالاستقرار في نظركم؟
تقبلو مروري
رحــــــــــــــاب

ايه يا شباب هو مفيش حد هيرد ولا ايه

واضح ياسمسه انه لا يوجد حوار مشترك ومثالي بين الشباب والفتيات
لكن بجد مشكوره علي الموضوع الجميل
رحـــــــــــاب تحياتى

انا مش عارفه ليه محدش رد من الشباب
بس انا بجد كنت عايزة يبقى فى حوار
وجدال بين الشباب والفتيات بس للاسف
واضح انه لا حياة لمن تنادى

اولا انا احيكي علي الموضوع الرائع ده

الاجابه علي سؤالك سمسمه:
بصراحه من غير تحيز انا عن نفسي عمري ما حوالت اكلم بنت علي النت الي اذا عرفتها كويس جدا جدا وفهمتها وفي الحاله ديه بقدر اديه اي حاجه ممكن تعوزها مني بعد طبعا ما استريحالها اما عن البنت الي ممكن ارتبط بيه اكيد طبعا عمرها ما اكون اتعرفت عليها انما ممكن اكون بكلمها علي النت لاني ديه ممكن تكون الوسيله للتحدث بينا بدل طبعا ما اقبلها من وراء اهله مثلا.

بالنسيه لسؤالك رحاب

الاستقرار كلمه جميله معناها الان غير موجود في اي انسان ونادرا ما تكون موجود وهيه معناها ان نعيش حياة آمنه مطمآنه مع من نحب ومستقره في كل شئ وايضا مع الاستقرار التام يعيش الانسان (حياه مطمأنه و******************س حياته بشكل طبيعي ومستقر ) وانا عن نفسي من لا يزفر لي الاستقرار لن ارتبط به

وسؤالي بقي لجميع بنات المنتدي:
1- ليه انتوا دايما يا بنات تبصوا للولاد انهم شياطين مع اني في بنات ممكن يكونوا افظع من الولاد.

2- برضه ليه بتقولوا اني الحب عيب وحرام اول ما الولد يجي يكلمكم وبعدين تلقي البنت هيه الي بتقول للولد انا بحبك

ارجو الاهتمام في الاجابهوبصراحه وبدون تحيز

اسرة الاشراف علي القسم الرومانسي:

الفرعون

انا هارد على اسئلتك يا فرعون
اقولك ليه معظم البنات بتبص للولد على انه شيطان
لان اغلب الاولاد ما هى الاشياطين بشرية وذئاب ادمية
وده طبعا ميمنعش ان فى ولاد كويسين بس الاكتر للاسف زى ماقولت فى الاول

اما عن سؤالك التانى فانا بيتهلى ان الحب عمره ما كان حرام لو كان ليه الشروط اللى تحميه من
الوقوع والسقوط فى دائرة الحرمانيه
وكمان بيتهيلى ان مفيش بنت محترمة هى اللى هتبدا بمصارحة الشاب بحبها ليه
او حتى ان كانت غير ذلك فدائما الانثى بصفة عامة
بتحب انها تكون مجال للاهتمام وليس هى التى تبدا بالاهتمام
هذا مجرد رايى فيما طرحته يا فرعون من اسئلة
تحياتــــــــــــــــــــ سمسمةــــــــــى

ممكن تسمحولى اوجه سؤال للشباب بس ياريت الاقى له اجابه
ليه دايما كل شاب عندما يخرج من قصة حب فاشلة لاى سبب من الاسباب
بيقول دايما ان البنت هى السبب حتى وان كان هو السبب
برجاء الاجابه على سؤالى من قبل الشباب
تحياتــــــــــــ سمسمةــــــــــــــى

انا هجواب عليكي سمسمه بص يانا ولد بس ممكن يكون تفكيري مختلف شوايه بس ولد

بصي اولا مفيش قصه حب فاشله الي بعد ما الاتنين بيكونوا السبب في فاشلهيعني الولد والبنت وفي حاجه كمان لازم اعلق عليها مش علشان انا ولد لا لا علشان انا نفسي اعرف معناها

البنت لم بتفكر ترتبط بالولد المفروض انها بتكون تعرف ظروفه ده لو هما علي مبدء صريح من الاول وفجأه بعد فتره البنت تلقيها بتقول جايلي عريس وطبعا مع الظروف الي الشباب فيها دلوقتي ممكن الشاب يعمل اي حاجه غلط علشان ما يخسرش الي بيحبها ولكن بنفجأ اني البنت اتخطبت واتجوزت

بصراحه حاجه انا علي يقين منها انا اكتر صحابي الي عرفتهم كانوا بيحبوا بنات حب مفيش اتنين بيحبوه لبعض وفجأه البنت بتتخطب وتتجوز كده في منتها السهوله تحت بند بتسموه انتوا البنات (الظروف)

وانا اسف علي الاطاله

وتحياتي ليكي سمسمه

بسم الله الرحمن الرحيم
فعلا لعبه حلوة جدا ومشكوورة يا سمسمة
وانا مع سمسمة في رايها وربنا يقينا شر العواصف والشياطين

وسؤالي بقى للشباب\ليه الشاب المتدين في وسط مجتمع البنات بيكون منبوذ ومحدش بيقربله وبيفضلوا يتريقوا عليه و((ابقى خدنا على جناحك وانت رايح الجنه ))((ادعيلنا يا سيدنا الشيخ))وكده يعني
اكيد السؤال وصل
ارجو الرد بصراحة

--------------------------------------------------------------------------------

بصي انا هتكلم علي العموم احنا كبرنا اول ما كب****************** اتعلمنا الدين اه بس ولا بنسبه 1%من الصح فيه لا احنا اتعلمنا علي ما احنا عايزين وبعد كده بنتعلم الي عايزينه ونقول الي علي مزاجنا ونفتي في الي في مصلحتنا علي سبيل الدين وده طبعا مينفعش

انما طبعا لم الشاب او الشابه المتداينه بيكون منبوذ لانه لم فعلا بيقرب من اليدن اكتر ويدخل فيه بيعرف اني مكنش يعرف اي حاجه عن الدين وفي الوقت ده بيتعبر كل الناس مذنبين في حق الدين والمشكله هنا انه لما بيعامل الناس علي انهم منبوذين طبعا لازم يبقي مكروه وسطهم ولاكن طبعا مفيش تعصب في الدين وغصب طبعا لا كل حاجه بتيجي حسب الانسان الي قدمه ويقدر يقنع الشخص الي قدمه بالصح زي ما علمنا رسول الله صلي الله عليه وسلم

(تركت فيكم ما لالم تضلوا بعدي ابدي كتاب الله وسنتي )

معذرتا للاطاله

وتحياتي

الفرعون

مشكووووووووووووور سمسمه
من اين اتيتى بتلك الفكرة
بجد تستحقى انك تكونى مبدعه بجد

اما عن اللعبه فوق الممتازة

وبالنسبه للأسأله
طبعا انا مش هقدر ارد واقول اى كلمه

لآن كل الكلام اتقال
من طرف صديقى فرعون
بجد انا بقيدو كل التقيد فى كلامو
ومنتظرين اى سؤال جديد

تحياتى لكى سمسمه

علي فكره مفيش حد جاوب علي سوالي الي فات وانا هقول سؤال تاين المره ديه

1- ايه هيه اهم مواصفات حبيب القلب
2-ايه هيه اهم مواصفات زوج المستقبل

وهل تفضلون الزواج التقليدي او احد الاقارب او الزواج من حب العمر

ارجو الاهتام بالاسائله

الفرعون

عدل سابقا من قبل سمسمة في 6/15/2008, 20:17 عدل 1 مرات

مشكورين يا جماعة على مروركم وابدائكم لارائكم
كل ده سؤال يا فرعون باين عليه سؤال متكلف
سؤال متفرع لثلاث اسئلة
بس هاجاوبك
1-مواصفات حبيب القلب
يعنى مش لازم يكون شبه احمد عز يكفينى انه يكون بيحبنى بس ده ميمنعش انه يكون مقبول شكليا
2-مواصفات زوج المستقبل
يكون رجل بمعنى الكلمة ويعرف ازاى يقدرنى واهم حاجة الاحترام المتبادل بيننا وطبعا لازم يكون متدين ويعرف ربنا كويس عشان يقدر يحترمنى ويحافظ عليا
ويكون بيتحمل المسئوليه وطبعا اولا واخيرا لازم يكون بيحبنى زى ما انا هاكون بحبه ان شاء الله
3-افضل الزواج من حبيب العمر
مشكور يا فرعون على اسئلتك

اسمحولى يا شباب انى اوجه لكم سؤالين
ما هو مفهوم الرجولة فى وجهة نظرك؟
هل يمكن لك ان ترجع لمن احببت بعد ان تركتك ؟

اولا اللعبه جميله جدا ثانيا
ارد ع الاسئله مواصفات الاول انه اولا ملتزم دينيا ومحترم ويكون حنون جدا وبيحبيني جدا ويكون معاملته رائعه مع الاطفال بالذات ومش مندفع جامد
اما التاني يعتبر نفس الصفات بس زياده انه يكون مستواه الاجتماعي قريب من مستوايه والتعليم برضه ويكون مش قريبي خالص
اما السؤال التالت فانا ارفض زواج الاقارب نهائيا ومتحيذه وبشده للزواج عن حب بس الحب طبعا يكون ف مرضاه الله0

مفهوم الرجوله من غير كلامك كتتير بيتخلص في شوايه حاجات منها

1-انه يكون صادق في كلامه
2-انه يكون رجل في كلمته وميخلفهاش في اي حال من الاحوال
3- الاخلاص
4- رد الظلم عن المظلوم

السؤال الثاني بخصوص الرجوع لمن تركتني

طبعا ماينفعش اني ارجع لانه بجد لو كانت بتحبني ولو بنسبه 1% مكنتش عمره تفكر تسبني وبعدين انا عندي مبدئ الي غلط لازم يتحمل عواقب غلطه

عدل سابقا من قبل alpheron في 6/16/2008, 00:53 عدل 1 مرات

سؤالي للبنات ليه دايما البنت منكم بتجري وراء الولد الحبوب الي بتاع البنات الي بتاع مامي وبابي وبتاع المظهر ودايما بيسيبوا الي بيحبوه علشان واحد تاني ملهوش لازمه بس مهتم بمظهره زياده عن الازم

السؤال

ايه الفرق بين الانسان الطبيعي والانسان الي بيحب المظهره وبتاع بابي ومامي عندكم انتم يا بناتوليه بتحبوا بتاع المظهر وبتبصوا علي الشكل الخارجي

الفرعون

اولا مش كل البنات بتعمل كده ومظنيش عن نفسي ان اي حاجه تبعدني عن اللي بحبه بجد من التفاهات دي بالعكس انما عن نفسي مبحبش اعرف ف حياتي شخص زي اللي انت بتقول عليه ومش كل الناس زي بعضها ولازم تعرف كده والمظهر عمره ماكان مقياس المهم الجوهر

مشكووووووووور ياجماعه على الاسئله والاجابات

انا هرد على سمسمه فى الاول
بالنسبه لمعنى الرجوله
احترام
والاحترام تقدير لحق الاخرين
واحترام الصغير قبل الكبير
والشخصيه المحبوبه القويه
هكذا تكون معنى الرجوله

اما عن الرجوع لمن كنت تحبه
فأحيانا يكون الخطأ فى الشاب نفسه
وليس فى البنت
فأذا كنت انا الذى اخطأت
وسمحت لى الفرصه بالرجوع
فلن اتردد فى الرجوع

واما ان كان خطئ لايغفر
فأنا لا استطيع حتى المرور
والنظر الى من جرحنى
فكيف ارجع له وانسى ما حل بى؟؟؟

مشكووووووور سمسمه على السؤال

مشكوووووور فرعون
مشكووووووووور ملاك

سؤالى انا للبنات

ماهى وجه نظرك فى شخص احبك بكل اندفاع
واعطاكى كل اهتمام
واجبرته الظروف على الابتعاد
وليس بيديه سوى ان يبتعد

فأى اسم تطلقيه عليه
هل هو خائن
ام شخص نبيل
وفضل حرقه قلبه ببعدك
ام ماذا تطلقين عليه

مشكور يا شاعر العذاب على سؤالك
من وجهة نظرى الشخصية اذا كان ابتعاده هذا وراءه سبب قهرى
لا نستطيع انا وهو التغلب عليه معا فساطلق عليه لقب شخص نبيل
فمن احبنى حبا حقيقيا لا يستحق منى سوى كل تقدير حتى ولو فرقتنا
الظروف ولا يحق لى ان القبه بلقب خائن
مشكور يا شاعر مرة تانية على سؤالك
تحياتـــــــــــــــــ سمسمةــــــــــــــــــــــــــــى

وانا كمان هجاوبك الفرعون مواصفات حبيب العمر ان يكون متدين لحد ما وليس متشدد رومنسى وفى نفس الوقت حازم طيب ويكون بيحب بجد واخر حاجة الشكل بس لازم يكون مقبول على الاقل اما مواصفات زوج المستقبل هى حاجة واحدة انه يراعى ربنا فى زوجته افضل الجواز من حبيب العمر

مشكورين سمسمة والفرعون لكم تحياتى وتقبلوا مرورى

اللعبة تحفة يا سمسمة
والاسئلة جامدة والاجابات اجمد يا شباب
منتظرة اى سؤال للرد علية
دودو